O le Project Firstline (Muā’au o Galuega) o le faatumutumuga lea mo a’oa’oga aoao a le Center for Disease Control mo le puipuia ma le taofiofia o le pipisi o faama’i.
O loo galulue faatasi le APIAHF ma le Project Firstline ma ana faalapotopotoga faapaaga o Asian American ma Native Hawaiian/Pacific Islander ina ia tapena tagata o loo galulue i muā’au i le tausia o le soifua maloloina ma tagata faigaluega o le soifua maloloina lautele, ina ia puipuia i latou, o gasegase o loo latou tausia, faapea o latou afioaga mai faamata’uga o faama’i pipisi.
Faalapotopotoga Faapaaga o tagata Asian American ma Native Hawaiian/Pacific Islander
O le faama’i tele o le COVID-19 ua faamatilatila mai ai nisi o vaega o loo lape ai le malamalama ma le faatinoga o le vaavaaia ma le taofiofia o le pipisi o siama i totonu o vaega e tausia le soifua maloloina i le atunuu atoa.
I le FY 2020, na uluai faalauiloa ai e le CDC le Project Firstline, o se taumafaiga tuufaatasi a auaunaga eseese o loo tausia le soifua maloloina, o vaega e nafa ma le soifua maloloina lautele ma i latou e feagai ma tulaga tau a’oa’oga, ua galulue uma ina ia saunia se a’oa’oga poo se toleniga i le auala e puipuia ai le pipisi o faama’i ma ua fuafuaina aemaise mo i latou e galulue i le tausia o le soifua maloloina.
E moomia ma ua tatau ma onomea ona maua e i latou o loo galulue i le tausia o le soifua maloloina, faamatalaga manino ma le maufaatuatuaina e lē gata i fautuaga a le CDC i le puipuiga o le pipisi o faama’i, ae faapea foi i le malamalamaga faasaienisi atoa i ai.
Ua momoliina mai e le Project Firstline toleniga ma a’oa’oga e aoao tetele, e manino, ma talafeagai lelei i le faitau miliona o tagata faigaluega o loo muā’au i galuega mo le tausia o le soifua maloloina i totonu o le Iunaite Setete.
O le Project Firstline ua faatupeina e ala i vaevaega o tupe faaopoopo mo le COVID-19 lea e $90M i le tausaga e tasi FY20 ma le FY21.
O toleniga, a’oa’oga ma le faafouina o tomai i le vaavaaia ma le taofiofia o le pipisi o siama o se manaoga e faaauau pea.
Mataupu o le A’oa’oga
A’oa’oga Muamua o le Poloketi, Ianuari 2022: Ta’iala mo Puipuiga o le Pipisi o Faama’i i le Puipuia mai le COVID-19
Matamata i la matou folasaga o le A’oa’oga Muamua o le Poloketi, Ianuari 2022 ma le talanoaina o suiga fou o le vairusi ma le puipuia mai o le pipisi o le siama e pei ona tuufaatasia e a matou Infection Control Champions.
Sii mai i lalo se kopi o le ata faasolo o le folasaga mo lenei masina
Ina ia faatumu le manatu i le matou su’esu’ega, kiliki iinei:
Autū MuamuaO le Matāupu i “Fa’ama’i Pipisi”
Le Video o le Taofiofia o Faama’i Pipisi: Le Sini Autū o le Taofiofia o Faama’i Pipisi?
Autū Lona LuaSaienisi Fa’avae o Vairusi
Le Video o le Taofiofia o Faama’i Pipisi: SARS-CoV-2? COVID-19? O le ā le Eseesega?
Le Video o le Taofiofia o Faama’i Pipisi: O le ā le Vairusi?
Faapefea Ona E Gasegase Mai Vairusi?
Ua e iloa e mafai ona e gasegase i vairusi, ae o e iloa pe faapefea? I le vaega 5 o le Inside Infection Control, ua faamatala e Dr. Abby le auala e ulufale ai le vairusi i lou tino ma le mea na te faia pe a oo i totonu. O le malamalama i nei faamatalaga e faigofie ai ona e faatino gaioiga tāua e taofiofia ai le pipisi o faama’i.
Autū Lona ToluPisia e ala i Matāua mai le Mānava
Le Video o le Taofiofia o Faama’i Pipisi: Le Matāua Pisipisi Mai Gutu ma Isu? Aisea e Tāua ai?
Autū Lona Fa